KELATE xgomo mano smale

Td baru abeh paper SM. Huarrrggghhh.. Xleh jwb! Silap kawe jugok, study ala kadar jah. Ble belek2 buku, byk pulok hok xtaw. Baru smlm kawe start SM! Tengoh2 kalot study tiba2 dgr soro oram duk sorok2. Aloh, bola! Tok senang duduk kawe. Nok tok se, kawe pon kemah2 nota wak g turun bowoh g bilik tv.

Maso 2 N9 sumax 1 gol doh.. Tp kawe rilex lagi. Tp bilo tgk sek Kelate maen, memey sedey ah. Po bdk tadika baru blaja maen bola. Tok ajin agi kawe tgk Klate teruk gni mo. Hok kawe plg kanja nyo maso start sparuh maso ke 2. Xsapa 5minit, N9 masuk gol doh. Maen peseng gapo nih? Maroh ah kawe.. Halim Napi ralit ko gapo taw.. Kawe taw Halim Napi sek ganah tp gak smlm dio mace ile fokus. Sedey ah kawe.. Pertahane pulok g mano abeh taw. Sakit sunggoh la..

Kawe siye ngelih penyokong Kelate. Tok cukup nge cak muko, rambut pon pakat paka rambut pelsu kala meroh. Tp maso 2-0 tu, sek yo senyak x ketik. Memey siye ah.. Maghi jauh2, pitih abes byk tuh. Doh r kapom tgh boh nuh. Kelik2 kapom kne ngarung air lagi. Siye la.. Kawe sdiri pon, kalu exam pete memey kawe g cari tiket doh. Tak dok aroh exam pagi..

Maso 2-0 tu kawe duk brarap lagi bia Kelate wak magik. Tp bilo Zaquan sumax 1 gol pulok doh, kawe putuh hangen slalu doh! Ho lar, 3-0 nk ambak kok mano lagi? Farhan hok kawe minat sluruh jiwo raga nih pon maen po gapo smlm. Zamri pulok napok nerves pelik.

Sek yo xmaen sedax ah smlm. Hok 2 jah kawe bley oyk. Maso kaloh nge Slangor dlu kawe banggo nge Kelate! Kaloh pon kaloh bermaruah! Bkn nk kato gapo la, napok sgt pihak lawe maen nipu. Duk wat drama tgh pade. Kelate maen sedax ah maso 2. Tp smlm kawe memey ferah nunggeng tgk Kelate maen. Bakpo la jd g2? Sbelong final molex2 jah maen.. Memey Kelate ah warrior. Kawe xtaw nk oyk gano doh..

Kawe sero nk tiok smlm bilo N9 jaring gol ke 3. kawe xdok mood nk tgk doh. Nk study pon xleh doh! Ferah sngoti! Kawe arak pahni Kelate bo ah duk deba2 maso maen. Tak po la kaloh pon asal maen sedax. Bo ah maen supo smale..

Untuk team Kelate, kawe nk oyk so jah..

Sokonge kawe bukan maso bene jah,

Tp sokonge kawe zame berzame!

Kawelah anok jati KELATE!