TANGE oh TANGE

Takdi sayo g keda. Mok suroh beli seletek paik nge sayur. Mulo2 g beli sayur, pah tu g keda Kak Nung beli seletek paik pulok. Maso duk keda Kak Nung tu, ado la soram mok cik nih duk bual nge Kak Nung. Sayo buak tok tahu jah, mugo mudo lagi ke. Tok se capor oram tuo kecek nih. Tapi gak dale xse capor tu, sayo pase tlingo jugok lah..

Mok cik: Owoh.. Bakpo gitu mo lalu tange tuh?

Jeng jeng.. Tibo~tibo peghasae nok tahu maghi, buok~buok. Ghhhaaa! Tu dio! Sayo pon nge ekor mato jeling alik ko tange Kak Nung tuh. Kejuk kak loh sayo. Kak Nung tu mudo lagi segho.. 40 lebih bekali. Tapi tange Kak Nung napok kasa. Mace byk sel kulit mati gitu. Tok tahu lah pulok gapo kok bahaso saing nyo.. Tapi gak tu lah.. Tange Kak Nung tok napok supo omo dio. Siye la wei..


Kak Nung: Biaso lah, oram kijo kuat. Gini lah jadi nyo..
Mok cik : Pah tu gano nok pege abe male~male nyo? Kejuk abe kalu nyo maghi setoh nge tange gitu gak..

Hahahahahaha.. Saya nge Kak Nung pakak suko. Kalu ikuk ati nih, meme deghah doh suko. Mugo lucu etex. Tapi gak tera jugok kontro. Bena tok se suko pong tapi meme tok leh. Nok wat gano, doh sero nk suko ke. Tera doh tehe tapi gak doh ado situ jugok. Sayo buke nyo budok kecik lagi. Kiro pehe doh la bab~bab dewaso nih. Ko guano? Maah lah Kak Nung deh. Sayo buke nok pase tlingo denga oghe tuo kecek tp gak doh mugo depe~depe kito. Nok tok se, keno jugok denga. Tok ke sayo keno tutop tlingo nge seletek paik tu pulok dok..? Hoh.. kigho gitu lah kesoh dio.. Tak dok gapo pong bena tapi sajo nok cito pasa oghe kapong sayo..

Ucape sayo untk Kak Nung, semogo tange Kak Nung lembuk smula.. Betuoh cik abe Kak Nung bulih bini supo Kak Nung, rajing kijo..=D